Money

Showing posts with label 首爾. Show all posts
Showing posts with label 首爾. Show all posts

Sunday, September 18, 2016

首爾Seoul Day 6

是日行程:

水原站 >>>  韓國民俗村 >>> 廣藏市場



晨早必食早餐啦~ 今日有飯糰, 蛋湯, 橙汁, 芽菜~~ 


水原真係好遠好遠.... 好多個站先到... 比較少遊客會去呢度... 

呢隻檸檬綠茶OK呀!!

水原站上左地面後, 要再轉架巴士先黎到... 都幾耐... AROUND 1個鐘多D



如果有拎到旅遊小冊子, 有得平5000WON
其實南怡島都有得平, 但去果陣冇為意到... > <

算啦... 呢度平5000WON都好啦

入到去就有好多韓國屋咁~ 有特色呀



HAHA, 係咪冇諗過呢個民俗村會有呢D遊樂場既野玩... 
我都冇估到呀... 以為純係一個講民俗野既景點... 

明顯功課做唔足啦... 

玩呢D要另外比錢既... 比完錢有條橙色手帶... 

冇玩到呀~~ 好多小朋友玩架... 



有D餐廳, 有埋MENU SHOW埋幾錢... 明碼實價呀!!


成個地圖呀~ 紫色係剛才個遊樂場... 成個民俗村都幾大架BOR!


肚餓啦~ 咁岩落雨呀!! 坐低食野啦~ 呢個係牛骨湯飯~ 好淡呀!!! 


都幾多電視劇黎呢度拍~


呢個好有FEEL!! 中國式咁呀~


仲有個人坐係度架... 任影唔嬲~


入面D人好真實咁... 


WOW!! 拍得住滿清十大酷刑呀!!! 


呢隻手堅架... 


有陶瓷整... 另外比錢既!!


搭呢架37號巴士返去水原站~ 總站上車


巴士站好易認... 7-11 旁邊... 


搭好耐車同地鐵... 終於黎到呢個廣藏市場... 真係搭車搭到呆晒... 


出名既綠豆餅... 好難得有一間可以咁樣買咁細塊... 全場得一間咋... 


豬頭肉... 一個人食堅多... 

呢日行程冇乜... 搭車時間搭晒去~ 同埋尾2日啦... 唔CHUR...  7點幾返酒店執定野

呢日落勁大雨... 冇心情... 

好地地一個民俗村唔落雨會好好多呀!!!



Sunday, August 14, 2016

首爾之旅 DAY 2


首爾之旅 DAY 2


是日行程:

機場 >>> 東大門歷史公園站 >>> 首爾林 >>> 龍山站 >>> 東大門歷史公園站

(全部都係地鐵就可以去到)



由於去左機場酒店訓一晚,仲未出市區,所以返入機場,再轉返出市區既機場大巴啦!!
6001號巴士,15000WON

好舒服, 大約1個半鐘車程,有個板寫住下個站係咩。






座位好闊落既~ 坐坐下就訓左教,再加上長途車,一上高速公路就好平穩。


到左酒店CHECK IN後,就快快手係東大門歷史公園站兌錢啦,個個都話首爾先兌抵D嘛~點知... 其實同香港兌有咩分別呀? 一樣都係1蚊港紙兌150蚊WON重點唔係香港定韓國兌呀,重點係匯率好唔好呀!! 一早吼住個價位,見佢高就係香港兌左先。上環牛記係OK既~ 早兌早安心呀~

兌完錢就係東大門歷史公園站搭地鐵去首爾林站啦~
呢個地方極少香港人知道,因為大家去首爾都係買衫買鞋買袋買代妝品。
我呢D喜歡睇野既,就會左搵右搵,搵一D特別既景點啦
放係第一日就去係揀得好岩呀!!

點岩?? 睇鹿呀!! 日本都有啦, 但日本果D會追住人架。

首爾呢D冇得追呀, 因為有個鐵絲網欄住,同埋D鹿溫馴D。





係未去到睇鹿之前,要經過一個好大既公園,樹仲多過人。香港果D郊野公園都未比有呢D感覺。附近有個貨櫃仔既鋪頭,都係賣D特色品牌野啦,價錢都係好特別既,唔係平價啦。

呢個感覺好有香港FEEL,一樣係有高樓大廈。


到喇... 鹿呀!!! 



鹿場旁邊有個鹿糧機,1000WON!! 一小杯。



餵完鹿就極餓喇... 一早PLAN好要黎食自助餐呀!! 
無錯冇睇錯,係自助餐呀!

韓式自助餐,堅多韓國人黎食,媽媽帶住兩個小朋友,一班上左年紀既太太,三五成群既打工一族,韓國拖友。

成個場都唔見有個好似我咁既香港遊客WOO!! 

係邊? 龍山站旁邊既IPARK MALL 7樓。叫做季節飯桌。
上網左睇右睇先搵到,又要GOOGLE 翻譯。
點知唔止龍山站有,東大門歷史公園站附近有個商場都有呀!! 仲要新開APM商場。
有衝動再去APM呢間食多次,不過算啦,留返QUOTA食其他野啦。

呢間自助餐推介呀,乜都有得食。









呢個表咁多星星貼紙係比D食客選自助餐最好食既野架。

上面咁多野食,任拎唔嬲,最重要係食得晒就得啦,咁樣先14900WON,已經加左一喇!!
$100港紙就有咁多野食!! 係香港LUNCH自助餐,食返差唔多質素既食物,冇二百幾蚊三百蚊就唔得啦!! 
老實講,平時香港食個好味少少,正常少少既LUNCH都要OVER $100啦!!

所以係好抵既!! ^^

IPARK MALL有百貨公司,有EMART超市,真係好方便,不過因為有D累冇行EMART呀!!



食完野又勁累咁,最好就係去汗蒸啦,即係溫泉啦。

早幾個月前先去完東京既溫泉,今次首爾即係有左比較呀!!
同東京溫泉既步驟一樣啦,先除鞋放LOCKER,再拎手帶CHECK IN,拎返衫,再上去女更表室換,係搭LIFT已經分左男同女架喇... 

應該冇人會搭錯掛... 唔識字有圖呀!!


入面冇得影相,有幾個池啦,有寫住幾多度,不過就冇露天既池,有個SAUNA!! 勁熱,冇人入去既!! 入去10秒已經熱到要衝返出黎。


去完汗蒸就返返去東大門歷史公園站呀~ 是但搵間餐廳食呀!

一人遊怕甚麼? 除左韓燒唔得之外,大把野食啦,唔洗怕餓親WOO!!
其中一間有埋中文餐牌,指個圖就得啦,講普通話都得。


呢個係鳥龍面,唔辣,清清地十分好呀!! 5000WON!! 遊客區黎講算OK啦!! 不過可以再平D既... 合格呀!


附近就有間果汁店~ 3000WON一杯... 


返酒店,好貼心呀! 住TOYOKO INN 單人房冇窗既,細細間,但一個人住好夠啦,仲有溫馨提示,可以放架GIP落床下底。

其實唔洗放都有位WOO!! BUDGET TRAVELLER唔係狂買野既!!