西環美食 - #24 Foodstation

由中上環轉戰西環...

西環美食不比中上環少, 而且價錢大眾化。相比下, 中上環碟頭飯的價錢, 可以享受到西環有水準的西餐, 距離真係一個問題?

對港島區冇乜印象既朋友可能唔知西環包括咩地方, 有石塘咀, 香港大學, 西營盤。

今次呢間係石塘咀, 但香港大學站行過黎2分鐘左右, 都近電車路既。

24 Foodstation , 係一條內街入面既, 入到內街會發現呢間同四圍環境好唔同既小餐廳~

開放式設計, 先搵位, 後買飛, 再等送餐。

西餐一直都比人一個食唔飽, 得個外表既感覺, 但呢間絕對係貨真價實, 大大碟, 又有賣相既。

LUNCH MENU 有好多選擇, 唔止 A - H咁少... 有幾版選擇, 意粉, BURGER, 沙律, 扒等等, 諗到既都有~

揀左鰻魚天使麵, 天使麵份量好多, 鰻魚亦唔算少, 唔濃味既, 如有需要, 可以自己加芝士粉。

甘筍粟米湯好CREAMY, 唔係茶餐廳果款罐頭湯加料。

有誠意~ 唔算好貴, 六十幾蚊, 仲有得免費轉蘋果酒。

上環/中環區美食 - 周月 Shugetsu

上環區/中環區美食~

呢個位國比較尷尬, 可算係中環又可算係上環...

上環地鐵行上黎5-10分鐘, 但地址的確係中環既歌賦街

榮獲米芝蓮2014,2015,2016, 周月確係唔簡單呀!!!

先睇睇點樣食麵啦, 唔好以為食沾麵就普通一碗湯麵, 少年你太年輕了~

有步驟既,

1. 沾麵同湯會分開兩個碗上, 逐D麵放落湯度, 唔好一次過落晒

2. 食完一次麵再加一D麵落湯

3. 加2-3次麵之後D湯會凍左, 可以要求店員加熱湯

4. 最後麵食完, 湯可以成碗飲

呢個就係食沾麵最正宗既方法, 麵既唔會因為浸湯浸得耐而變質, 

湯亦可以加, 唔係食得耐而變凍~

除左沾麵之外，都有其他湯麵既, 不過驟眼望落去, 8成人都係嗌沾麵既~

有份量揀, 200G, 300G麵, 同樣價錢~

呢碗係300G, UM... 一個唔大食既女仔200G就夠... 

一個大食既女仔300G先剛剛好

呢碗係湯呀~

每碗會有半邊糖心蛋, 但我覺得唔夠, 另外嗌一隻蛋, 哈哈, 咁我就有3個半邊蛋

米芝蓮既關係, 一D都唔平, 要加一~ 但絕對值得黎食既 ^^ 推介~

上環美食~ La Pastre

上環區美食~
La Pastre


上環區這個商業大廈林立的地方, 午飯時間確實很難找到一間不用排隊而又稱得上是美食的食肆。地面鋪不是排隊就是沒甚麼質素的。
樓上鋪就很自然成為目標，絕對沒有看輕樓上鋪的意思。
樓上鋪有其味道，亦有大量捧場客的。

這間就是其中一間了，算得上是新開業。主打輕食WAFFLE，賣相很吸引。不過，午飯時間吃一個輕食絕對有點兒不夠吧~
SET LUNCH 由$88 - $138, 另加一。不算便宜，但性價比高。

點選了香蒜意粉! GOOD!!