~小法國村 --> 合井 --> 弘大 --> 首爾塔
晨咁早香港時間7點半就起身落酒店樓下食早餐... 無辦法啦, 人地早餐咁早... 韓國時間係快一粒鐘架... 即係8點半喇... 再遲D食都冇得食呀...
算唔錯啦, 有橙汁, 有COFFEE, 有水機, 有蛋花湯, 有CURRY飯(呢個正呀, 好日本FEEL), 有一大碟小香腸任夾唔嬲, 小蓄茄, 椰菜絲... 太多喇... 日日都食... 下一篇再講啦~
幾經辛苦黎到小法國村附近呀... 呢邊係落左巴士行去小法國村, 係街邊既太陽花田呀~
點解香港唔會周街都有呢D花田架??
連街邊都咁靚, 不過首爾真係唔同香港呢D城市, 四圍都係露天, 好曬好曬同曬~
除左最後果日勁大雨外, 日日都勁曬... 好事定係壞事呢??
終於到左小法國村, 呢度係免費入場既, 即係一個所有人都入得既地方...
類似一個大公園, 入面有D食肆, 有個蚊型商場仔, 有D鋪頭仔賣特色野, 有大量影相靚景任揀黎影相呀!!
不過都真係要堅早黎呀... 我已經晨咁早黎到, 都竟然有十幾個強國人。
有架香港成日見到既雙層巴士, 好有藝術感呀~ 入面D位堅係香港果D樣架!!!
不過又泊係路邊咁... 整到咁靚邊個睇到呀, 做多D宣傳啦~
搭返巴士去合井站, 地鐵站好多野食呀~ 壽司呀~
呀珠媽仲好貼心一條剪開3小舊, 呢條係芝士火腿呀
首爾同日本一樣堅乾燥呀!! 潤一潤好重要...
人參蜜糖水
得7-11有咋...
冇影到合井附近間 HOME PLUS個樣, 呢間堅推介呀!!!!
1. 有LOCKER
2. 係合井站附近好方便
3. 冇首爾間LOTTE超市咁多人
4. 其實HOME PLUS 好多野都平D...
5. 行左成個鐘都發現唔到強國人既蹤影
6. 附近堅住宅區
首爾地鐵成日要行好遠轉車... 就好似香港站行去中環站咁...
轉一次車都要咁遠真係行到累都未去到啦///
香港真係好幸福架... 除左多人搭冇位坐之外, 真係堅好呀!!
I MISS HONG KONG!!!
去到合井就去弘大, 本來打算去食韓牛... 點知人地有落場時間, 唯有等啦...
2粒鐘咁耐... 唯有HEA啦... 好是但入左間甜品店咁既款...
WOW!! 高科技呀... IPAD入單, 但似乎間鋪冇諗過非韓國人黎, 冇英文冇中文冇日文...
得韓文咋!!!
OPPA又唔多識英文... 好辛苦先UP得出一兩個水果既英文...
算啦,,, 唔好咁辛苦UP英文啦... 睇圖靠估, 點左咩就食咩... 食唔死既
小店我係第一個客/// 就係鍾意呢刻既寧靜啦~
到左喇... 出煙呀!!! 視覺, 聽覺, 味覺, 觸覺享受~
可能香港都有... 但首爾食又另一回事啦~
走先記得影相~ 個招牌已經好吸引~
不過呢餐唔平呀!!!
差唔多60蚊... 一個識韓文既朋友仔話呢間野貴野... 又高級咁... ER...
終於終於HEA到韓牛開門喇...
好特別呢~ 每人個位都有抽氣裝置架~
先上前菜
後上韓牛~ 我嗌左芝士韓牛呀!!! 一上台~ WA!!! 正呀!!
右邊塊鐵板仔, 慢慢夾少少上去燒呀燒~
當執鐵板唔再熱, 店員好快就留意到, 即刻換個塊新既~
換左3塊先食完~
後面有兩個香港女仔一路食一路講呢間正呀~ 仲話每次黎首爾都必食
食完韓牛... 就要運動喇... 唉... 點解首爾咁多山... 體力已用盡...
但為左快快手上到去, 真係幾乎用晒D力... 落山恐怕要用「滾」呀
好斜,,, 又要趕住上去, 怕登山遊覽車收檔呀!!
用香港時間計就好早... 但韓國時間呀...
終於上到黎... 真係冇乜特別~
開左燈係靚既~
再行埋一邊開住「情非首爾」首歌, 唱左幾次...
- 漢城夜晚 南山塔中
- 跟你再相遇 想講你知
- 生活不寫意
- 漢城在變 人也在變
- 分手太輕易 問我到底知不知
- 如今改稱首爾
- ＊借意問 明天的你 空閒嗎
- 重遊明洞新村可以嗎
- 過去像盲婚啞嫁
- 現在是熱情淡化 還害怕
- 當天回憶會被刮花
- 重遇你 難重新相愛
- 是否已經風光不再
- 歷史多麼精彩 高潮起跌
- 但已沒法被篡改
- 難道你 誰人都不愛
- 沒有自信建立未來
- 讓漢江將你我 像南北般分開＊
LOOP左幾次之後好有FEEL!!
諗起前度...
自從上次POST左去東京D相後, 前度竟然一個月後去我去過既景點影返一樣既相!!!
真係好難唔聯想到佢有特別用意囉...
不過人地李大仁可以咁樣就靠近程又青多一D... 但前度就唔得囉...
我要去咁多地方, 唔通佢又跟住我去過邊再去??
放低啦~~ 我依家生活過得好好~
「如果我看過妳看過的世界、走過妳走過的路，是不是就能更靠近妳一點？」
No comments:
Post a Comment